'கைத்தலம் பற்றுதல்' – காதலனைக் கரம்பிடிக்கும் பிக் பாஸ் ரித்விகா – வைரலாகும் நிச்சயதார்த்த க்ளிக்ஸ்!

பல குறும்படங்களில் நடித்திருக்கும் ரித்விகா, சினிமாவில் தனது முத்திரையை பதிக்க பல்வேறு முயற்சிகள் செய்து சினிமா வாய்ப்பு தேடி அலைந்தவர். பாலா இயக்கிய ‘பரதேசி’ படத்தில் ஒரு சிறிய கதாபாத்திரத்தின் மூலம் தமிழ் சினிமாவுக்குள் நுழைந்தார், ரித்விகா. அதற்குப் பின்னர், பா.இரஞ்சித் இயக்கிய ‘மெட்ராஸ்’ படத்தில் ‘மேரி’ கதாபாத்திரத்தில் நடித்த இவர் ரசிகர்களின் கவனம் ஈர்த்தார். இதையடுத்து இருமுகன், ஒரு நாள் கூத்து, டார்ச் லைட் போன்ற திரைப்படங்களில் நடித்திருந்தார்.

கமல்ஹாசன் தொகுத்து வழங்கிய தமிழ் பிக்பாஸ் இரண்டாவது சீசனின் டைட்டில் வின்னராகவும் அறியப்படுகிறார், ரித்விகா.

‘இரண்டாம் உலகப் போரின் கடைசி குண்டு’, ‘வால்டர்’, ‘சில நேரங்களில் சில மனிதர்கள்’, ‘கடவர்’, ‘ஆதார்’ மற்றும் சமீபத்தில் வெளியான ‘லெவன்’ திரைப்படம் என தொடர்ந்து தமிழ் சினிமாவில் கவனிக்கத்தக்க இடைத்தைப் பிடித்து வருகிறார்.

தற்போது திருமண வாழ்க்கை குறித்து நேற்று(ஜூலை 13) தனது இன்ஸ்டாகிராம் பக்கத்தில் ‘கைத்தலம் பற்றுதல்’ என நிச்சயதார்த்த புகைப்படங்களைப் பகிர்ந்திருக்கிறார்.