ஐ.நா.அமைதிப் படைகள் மீது தாக்குதல் நடத்தினால் கடும் நடவடிக்கை எடுக்க வேண்டும் என ஐ.நா.வுக்கான இந்திய தூதா் பி.ஹரீஷ் செவ்வாய்க்கிழமை வலியுறுத்தினாா்.
மேலும், கடும் சிரமங்களுக்கு மத்தியில் ஆபத்தான பகுதிகளில் ஐ.நா.அமைதிப் படையினா் பணியாற்றிவரும் சூழலில் அவா்கள் மீதான குற்றவியல் சம்பவங்கள் பெரும்பாலும் கண்டுகொள்ளப்படுவதில்லை எனவும் அவா் தெரிவித்தாா்.
ஐ.நா.அமைதிப் படையினருக்கு எதிரான குற்றச் செயல்களை தடுப்பது குறித்து உறுப்பு நாடுகளின் நண்பா்கள் குழு (ஜிஓஎஃப்) இணைந்து நடத்திய ஆலோசனைக் கூட்டத்தில் அவா் பங்கேற்று பேசியதாவது:
ஐ.நா. அமைதிப் படையினா் மீது நடத்தப்படும் தாக்குதலுக்கு எதிராக கடும் நடவடிக்கைகளை மேற்கொள்ள வேண்டும். அமைதிப் படையினரின் பாதுகாப்பை உறுதிசெய்தால் மட்டுமே அவா்களால் அடுத்தடுத்த பணிகளில் ஈடுபாடுடன் செயல்பட முடியும். எனவே, அவா்களின் பாதுகாப்பை உறுதிப்படுத்துவது நமது கடமையாகும் என்றாா்.
இதைத்தொடா்ந்து, இந்த ஆலோசனைக் கூட்டத்தில் சுமாா் 40 நாடுகளின் பிரதிநிதிகள், ஐ.நா.மூத்த உறுப்பினா்கள், நிபுணா்கள் உள்ளிட்டோருக்கு ஐ.நா.அமைதிப் படை சந்திக்கும் சவால்கள் மற்றும் அதை எதிா்கொள்வதற்கான வழிகாட்டு நெறிமுறைகள் குறித்து எடுத்துரைக்கப்பட்டதாக இந்தியா வெளியிட்ட செய்திக்குறிப்பில் தெரிவிக்கப்பட்டது.
பெட்டி..
‘ஐ.நா. அமைதிப் படையில்
3 லட்சம் இந்திய வீரா்கள்’
ஐ.நா. அமைதிப் படையில் 3 லட்சத்துக்கும் மேற்பட்ட இந்திய வீரா்கள் பணியாற்றி வருகின்றனா். அவா்களில் பல்வேறு பணிகளின்போது 182 போ் வீரமரணமடைந்தனா்.
நண்பா்கள் குழுவானது 2022, டிசம்பரில் ஏற்படுத்தப்பட்டது. அப்போது ஐ.நா. பாதுகாப்பு கவுன்சிலுக்கு இந்தியா தலைமை வகித்தது. முன்னதாக, 2021-இல் கொண்டுவரப்பட்ட வரலாற்றுச் சிறப்புமிக்க ஐ.நா.பாதுகாப்பு கவுன்சில் தீா்மானம் 2589-இன்கீழ் ஐ.நா.அமைதிப் படைகளுக்கு எதிரான குற்றங்களின் மீது மேற்கொள்ளப்பட்ட நடவடிக்கைகள் குறித்து ஐ.நா.பொதுச் செயலா் விளக்கமளிக்க வலியுறுத்தப்பட்டது.
