Captain Prabhakaran: `எனக்காக விஜயகாந்த் சார் மூணு மணிநேரம் ஷூட்டிங்கை நிறுத்தினார்’ – சிங்கம்புலி

மறைந்த நடிகர் விஜயகாந்தின் 100-வது படம் ‘கேப்டன் பிரபாகரன்’ ஆகஸ்ட் 22-ம் தேதி ரீ-ரிலீஸ் ஆக உள்ளது.

அதையொட்டி, இந்தப் படத்தின் இசை வெளியீட்டு விழா நேற்று சென்னை கமலா திரையரங்கில் நடந்தது.

இந்த நிகழ்ச்சியில் கலந்துகொண்ட இயக்குனர் மற்றும் நடிகர் சிங்கம் புலி, விஜய்காந்த் குறித்த நினைவுகளைப் பகிர்ந்துகொண்டார்.

“கேப்டன் இருந்ததால் தான், நான் அசிஸ்டன்ட் டைரக்டராக இருந்தேன். கேப்டன் ஆபீஸில் சாப்பிட்டதால் தான் நான் அசிஸ்டன்ட் டைரக்டராக தொடர்ந்தேன்.

என்னுடைய சொந்தகாரர்கள், ‘உனக்கு சோறு போட ஒரு ஆள் இருக்காரு. அதனால, இனிமேல் நீ சென்னையவிட்டு வரமாட்ட. நீ அங்க சாப்பிட்டு நல்லா இருக்க’ என்று சொல்லி சென்றார்கள்.

மதுரைக்காரனாலே இப்படி தான்

ஒருமுறை விஜயகாந்த் சாருடன் ஒரு போட்டோ எடுக்க வேண்டும் என்று பிரசாத் ஸ்டூடியோ வரை வரிசை நின்றிந்தது. அந்த வரிசையை நான் தான் ஒழுங்குப்படுத்தினேன்.

அப்போது என்னைப் பற்றி விசாரித்து, ‘வா… நீ போட்டோ எடுக்கலயா?’ என்று கேட்டார். ‘நான் உங்களை வெச்சு ஒரு படம் எடுக்கணும்’ என்று சொன்னேன். ‘நினைச்சேன்டா… மதுரைக்காரனாலே இப்படி தான்’ என்று போய்விட்டார்.

அடுத்து அஜித் வைத்து படம் எடுக்கிறேன். உளவுத்துறை ரிலீஸாகிறது.

விஜயகாந்த் சாரை வெச்சு எதாவது படம் எடுக்கணுமே என்று யோசித்துகொண்டே இருந்தேன்.

சூர்யா படத்துல யாராவது ஒரு நாள் கெஸ்ட் ரோல் பண்ணனும்னு பேசிகிட்டு இருக்காங்க. அப்போ நான் விஜயகாந்த் சாரை சொன்னேன்.

அவர் எப்படி ஒரு நாள் வருவார் என்று கேட்டார்கள். நான், ‘பேசிப்பார்ப்போம்’ என்று கூறினேன்.

அவர்கள் பேசி ஓகே ஆனதும், நான் அவர் வீட்டுக்கு சென்றேன்.

அப்போது அவர், ‘ஒரு 10 நிமிஷம் கழிச்சு வா… ஒரு நாள் ஷூட்டுக்காக ஒரு டைரக்டர் கதை சொல்ல வராரு’ என்றார். அது நான் தான் என்றேன்.

உடனே அவர் ஒரு நாளுக்கு நடிக்க மாட்டேன் என்றார். நான் அவரிடம், ‘நீங்கள் நடிக்கவில்லை என்றால், எப்படி படம்?’ என்று கேட்டேன். அவர் 10 நாள் கழிச்சு தேதி கொடுத்தார்.