Vadivelu: “10 பேர் சேர்ந்து சினிமாவையே அழிக்க முயல்கிறார்கள்" – நடிகர் சங்க பொதுக் குழுவில் வடிவேலு

69-வது நடிகர் சங்க பொதுக்குழு கூட்டம் இன்று சென்னை காமாராஜர் அரங்கத்தில் நடைபெற்றது.

நடிகர் சங்கத்தின் நிர்வாகிகள் தொடங்கி தமிழ் திரையுலக பிரபலங்கள் பலரும் இந்த நிகழ்வில் கலந்துக் கொண்டனர்.

சமீபத்தில் மறைந்த திரைக் கலைஞர்களுக்கு இன்றைய தினம் நடைபெற்ற கூட்டத்தில் மரியாதை செலுத்தப்பட்டது.

இந்தப் பொதுக்குழு கூட்டத்தில் நடிகர் வடிவேல் யூட்யூபர்கள் தொடர்பாகப் பேசிய விஷயம் தற்போது பேசு பொருளாகியிருக்கிறது.

இந்த நிகழ்வில் வடிவேல், “சில நடிகர்கள் தங்களின் படம் நன்றாக ஓட வேண்டும் என அவர்களின் போட்டி நடிகர்களின் படத்திற்கு யூட்யூபர்கள் மூலம் எதிர்மறையான விமர்சனங்களைத் தர வைத்து தோல்வியடையச் செய்கிறார்கள்.

நம்முடைய திரைக்கலைஞர்களைப் பற்றி தவறாகப் பேசி சிறிய விஷயத்தைப் பெரிதாக்கி விடுகிறார்கள். தயாரிப்பாளர் சங்கத்தில் இருக்கும் சிலரே இந்தப் படத்தைப் பற்றி, அதைப் பற்றி பேசு எனப் பேச வைக்கிறார்கள்.