செல்வராகவன் நடிப்பில் டென்னிஸ் மஞ்சுநாத் எழுதி இயக்கிய ‘மனிதன் தெய்வமாகலாம்’ படத்தின் டீசர் வெளியாகியுள்ளது. செல்வராகவனின் பிறந்தநாளை முன்னிட்டு அவரது சகோதரரும் நடிகருமான தனுஷ் இந்த டீசரை வெளியிட்டிருக்கிறார். அதில், “பிறந்தநாள் வாழ்த்துக்கள் என் அண்ணனும் வழிகாட்டியுமான செல்வராகவன் சார். மனிதன் தெய்வமாகலாம் படத்தின் டீசரை வெளியிட்டதில் மகிழ்ச்சி” என்று குறிப்பிட்டுள்ளார். பள்ளி மாணவர்களுக்கு வாழ்க்கை ஞானத்தைப் பகிர்ந்து கொள்ளும் ஒரு மாமாவாகவும், இன்னொன்றில், இரத்தத்தில் நனைந்த ஒரு கைதியாகவும் டீசரில் செல்வராகவன் இரண்டு வித்தியாசமான தோற்றங்களில் காட்டப்படுகிறார். இப்படத்தில் குஷி ரவி, கௌசல்யா, ஆர்.எஸ்.சதீஷ், ஒய்.ஜி.மகேந்திரா, மைம் கோபி உள்ளிட்ட பலர் நடித்துள்ளனர். உண்மைக் கதையை அடிப்படையாக எடுக்கப்பட்டிருப்பதால் டீசர் வரவேற்பை பெற்று வருகிறது.
Read more
