நாற்காலி போன பிறகு மரியாதை இருக்குமா? – அரசு ஊழியர்கள் அவசியம் படிக்க வேண்டிய உண்மை!

அலுவலகத்தில் நாள் முடிந்து பையை மூடும்போது, எப்போதாவது மனசுக்குள்ள கேட்டுருக்கீங்களா? “நாளை இந்த மேசை மட்டும் இல்லைனா, என் வாழ்க்கை எப்படி இருக்கும்?”

அரசு ஊழியரா இருக்குறது சாதாரண வேலையில்லை; அது ஒரு பொறுப்பு. காலை அலுவலகம் வந்த உடனே கோப்புகள், மீட்டிங்ஸ், பொதுமக்களின் குறைகள், ஆய்வுகள், மேலதிகாரியின் உத்தரவு – நாள் முழுக்க ஓடிக்கொண்டிருக்கும்.

ஊர்ல ரோடு கேட்டா நம்மையே திட்டுவாங்க, அரசுத் திட்டம் வந்து சேருதா இல்லையா என்ற கேள்வியும் நம்ம மேலத்தான். உங்களுடைய ஒவ்வொரு கையொப்பமும், யாரோ ஒருத்தருடைய வாழ்க்கையைத் திசை மாற்றும் முடிவு.

அந்த அளவுக்கு மற்றவர்களின் எதிர்காலத்தைக் காப்பாற்றும் நீங்க, உங்களோட எதிர்காலத்துக்கு இவ்வளவு கவனம் கொடுக்கிறீங்களா?

“பென்ஷன் வருமே… அப்புறம் என்ன கவலை?” – இந்தக் கணக்கு சரியா?

பொது ஊழியர்களுக்குக் கிடைக்கிற பெரிய பாதுகாப்பு என்ன? மாதந்தோறும் நிச்சய சம்பளம், பிஎஃப், கிராட்டுவிட்டி, மருத்துவ வசதிகள்… இதெல்லாம் உண்மைதான். ஆனா…

2004-க்குப் பிறகு பணியில் சேர்ந்த பலருக்கும் பழைய ‘டிஃபைன்டு பென்ஷன்’ (Defined Pension) கிடையாது; அதற்குப் பதிலாக NPS (National Pension System) தான். ரிட்டயர்மென்ட்ல மாசம் எவ்வளவு கைக்கு வரும்னு ஒரு உத்திரவாதமும் இல்லை. சந்தை நிலவரத்தைப் பொறுத்துதான் அது அமையும்.

சமீபத்திய ஆய்வுகள் ஓர் அதிர்ச்சியான உண்மையைக் காட்டுது: தமிழ்நாட்டில் 60 வயதுக்கு மேற்பட்டவர்களில் பெரும் பகுதியினர், தங்களின் ஓய்வூதியத்தை மட்டும் நம்பி வாழ்க்கையை ஓட்ட முடியாமல், சின்ன சின்ன செலவுகளுக்குக் கூட பிள்ளைகளையோ, உறவினர்களையோ எதிர்பார்த்து நிற்கும் நிலைமையில் இருக்காங்க.

“அரசு உத்தியோகம் பார்த்தவரு… ரிட்டயர்டு ஆகி இப்போ கஷ்டப்படுறாரு”னு நாலு பேர் சொல்லும்போது, அந்த வலி எவ்ளோ பெருசுன்னு அனுபவிச்சவங்களுக்குத்தான் தெரியும். சுயமரியாதைக்குப் பேர் போன நம்ம ஆளுங்களுக்கு, இதை விடப் பெரிய வலி இருக்க முடியுமா?

நீங்க மாட்டிக்கிட்டிருக்கிற ஒரு பெரிய சிக்கல்!

“அலுவலக வாழ்க்கைக்குப் பிறகு, எனக்கு யார் மாசாமாசம் சம்பளம் தருவா?” உங்களுக்குள்ள இந்தக் கேள்வி இருக்கா?

ஓய்வுக்கு இன்னும் 10-15 வருஷம் இருக்கும் 45-55 வயசுக்காரங்க, “இன்னும் நிறைய டைம் இருக்கே… அப்போ பார்த்துக்கலாம்”னு அசால்ட்டா இருக்காங்க. சிலர், “கடன் எல்லாம் முடியட்டும், அப்புறம் சேமிக்கலாம்”னு தள்ளிப்போடுறாங்க. இன்னும் சிலர், “மிச்சப் பணத்தை FD-ல போட்டுருக்கேன், அது போதும்”னு நினைக்கிறாங்க.

இங்கதான் நிதி சார்ந்த ஆபத்து (Financial Risk) ஆரம்பிக்குது.

FD வட்டி விகிதம் சுமார் 6-7% இருக்கும். ஆனா, விலைவாசி உயர்வு (Inflation) கிட்டத்தட்ட அதே 6% அளவுக்கு இருக்கு. அதுவும் மருத்துவச் செலவுகள் வருஷத்துக்கு 10-12% ஏறுது. அப்படின்னா, நீங்க கஷ்டப்பட்டு சேமிச்ச பணத்தோட மதிப்பு, காலப்போக்குல கூடி இருக்கா? இல்ல, தேஞ்சு போயிருக்கா? யோசிச்சுப் பாருங்க.

இதைவிடப் பெரிய ஆபத்து, “இந்த வருஷம் ஒரு போனஸ் வந்துச்சு… கார் மாத்திடலாம், ஒரு டூர் போயிட்டு வந்திடலாம்”னு நினைக்கிறதுதான் நம்ம மனசு. இதனால ஓய்வுக்காலம், பிள்ளைகளின் உயர்கல்வி போன்ற நீண்ட காலக் கனவுகள் காற்றில் பறந்துவிடுகின்றன.

ஒரு சின்ன கணக்கு… பெரிய பாடம்!

இப்போ உங்களுக்கு 45 வயசுன்னு வைங்க. ரிட்டயர் ஆக இன்னும் 15 வருஷம் இருக்கு. மாசம் ₹10,000 மட்டும் ஒரு நல்ல மியூச்சுவல் ஃபண்ட் திட்டத்துல SIP பண்றீங்க. வருஷத்துக்கு சராசரியா 12% வருமானம் கிடைச்சா கூட:

60 வயசுல உங்க கையில சுமார் ₹50 லட்சம் இருக்கும்! (இது திட்டத்தின் செயல்பாட்டைப் பொறுத்து மாறுபடும்).

இதுவே, “இப்போ செலவு அதிகம்… அப்புறம் பார்த்துக்கலாம்”னு வெறும் 5 வருஷம் தள்ளிப்போட்டு, 50 வயசுல ஆரம்பிச்சா?

அதே 60 வயசுல, உங்க கையில ₹23 முதல் 24 லட்சம்தான் இருக்கும்.

வித்தியாசம்: ₹26 லட்சம்!

ஆள் ஒருத்தர்தான், கட்டின தொகை ஒண்ணுதான். ஆனா, வெறும் 5 வருஷத் தாமதத்தால் வந்த நஷ்டம் எவ்வளவு பாருங்க! இதுதான் கூட்டு வட்டியோட (Power of Compounding) மாயம். இன்று செயல்படாம விட்டா, நாளை நீங்க கண்டிப்பா சிரமப்பட்டுதான் ஆகணும். 

தீர்வு என்ன? SIP-ஐ SWP-ஆக மாற்றும் கலை!

“மியூச்சுவல் ஃபண்ட் எல்லாம் நமக்கு செட் ஆகுமா?”னு தயங்குறீங்களா? கவலைப்படாதீங்க. அரசு ஊழியர்கள் மியூச்சுவல் ஃபண்டில் முதலீடு செய்வது 100% சட்டப்படி சரியானது. இதில் எந்தத் தடையும் இல்லை.

சரியான திட்டமிடலுடன், SIP மூலம் நீங்க சேர்க்கும் பணத்தை, ரிட்டயர்மென்டுக்கு அப்புறம் SWP (Systematic Withdrawal Plan) மூலமா, ஒரு “இரண்டாவது பென்ஷனாக” மாற்ற முடியும். 

பணம் உங்க பெயரிலேயே இருக்கும். எப்போ வேணும்னாலும் பணத்தை எடுக்கலாம். உங்க மாதாந்திரச் செலவுக்கும், பணவீக்கத்துக்கும் ஏற்ப, பணத்தை எடுத்துக்கலாம். உங்க அரசு பென்ஷனுடன், இந்த முதலீட்டு பென்ஷனும் சேரும்போது, நீங்கதான் ராஜா, நீங்கதான் ராணி! யாரையும் நம்பி இருக்கத் தேவையில்லை.

கையில ₹50 லட்சம் இருக்கு… இதை எப்படிப் பெருக்குவது?” – 50+ வயதினரின் கேள்வி!

பல 50+ வயது அரசு ஊழியர்களுக்கு இருக்கும் பெரிய குழப்பம் இதுதான்: “சேமித்த மொத்த பணத்தை வங்கியில் போட்டால் வட்டி குறைவு; பங்குச்சந்தையில் போட்டால் பயம்.” இதற்குத் தீர்வுதான் SWP (Systematic Withdrawal Plan).

உதாரணத்திற்கு, உங்களிடம் ₹50 லட்சம் இருந்தால், அதைச் சரியான மியூச்சுவல் ஃபண்ட் திட்டத்தில் முதலீடு செய்து, மாதம் ₹30,000 முதல் ₹35,000 வரை பாதுகாப்பான வருமானமாகப் பெறலாம். விசேஷம் என்னவென்றால், நீங்கள் மாதம் பணம் எடுத்தாலும், மூலதனம் (Capital) பணவீக்கத்தைத் தாண்டி வளர்ந்துகொண்டே இருக்கும். அதாவது, பழத்தையும் சாப்பிடலாம்; மரமும் வளரும்!

SIP to SWP: இந்தக் கலையைக் கற்றுக்கொள்ள ஒரு ஸ்பெஷல் வாய்ப்பு!

“இதெல்லாம் சரிதான்… ஆனா, எனக்கு யார் சொல்லித்தருவா? புத்தகத்தைப் படிச்சா புரியலையே…” என்ற உங்க மனக்குரல் கேட்குது.

கவலைப்படாதீங்க! உங்களுக்காகவே, அரசு ஊழியர்களுக்கென ஒரு பிரத்யேக ஆன்லைன் வகுப்புக்கு ஏற்பாடு செஞ்சிருக்கோம்.

தலைப்பு: SIP to SWP: அமைதியான வாழ்க்கைக்கான அஸ்திவாரம்

பேச்சாளர்: திரு. ஏ.ஆர். குமார் – முன்னாள் இணை ஆசிரியர், நாணயம் விகடன் (தற்போது Chief of Content, Labham)

இந்த 90 நிமிஷத்துல, உங்க சம்பளம், பென்ஷன், NPS, மியூச்சுவல் ஃபண்ட் எல்லாத்தையும் சேர்த்து, உங்களுக்கான ஒரு முழுமையான ஓய்வுக்காலத் திட்டத்தை எப்படி உருவாக்குறதுனு கத்துக்கப் போறீங்க.

பதிவு முற்றிலும் இலவசம். ஆனா, முதல் 75 பேருக்கு மட்டும்தான் இடம். கூட்டம் அதிகமாகாமல், ஒவ்வொருத்தருக்கும் தெளிவா புரியவைக்க இந்த ஏற்பாடு.

அலுவலகத்துக்காக தினமும் நூறு முடிவுகள் எடுத்திருப்பீங்க. இந்த ஒரு முடிவு உங்களுக்காக, உங்க குடும்பத்துக்காக!

இப்போதே உங்கள் இடத்தை புக் செய்ய, கீழே உள்ள லிங்கை கிளிக் பண்ணுங்க: https://forms.gle/5q5YhLL7ifUsWnVN9

(இந்த ஒரு மணி நேரம், உங்க அடுத்த 30 வருஷ நிம்மதிக்கு உத்தரவாதம்! மிஸ் பண்ணிடாதீங்க!)

குறிப்பு: மியூச்சுவல் ஃபண்ட்ஸ் சந்தை அபாயங்களை உட்ப்பட்டவை. முதலீடு செய்யும் திட்ட ஆவணங்களைச் சரியாகப் படிக்குமாறு அறிவுறுத்தப்படுகிறது.

Read more

Share with: